ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ប្រធានាធិបតីចិន ស៊ី ជីនពីង បញ្ជាក់ជាថ្មីពីការប្តេជ្ញាចិត្តចំពោះកម្ពុជា ក្នុងដំណើរបំពេញទស្សនកិច្ចផ្លូវរដ្ឋ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ប្រធានាធិបតីចិន ស៊ី ជីនពីង បញ្ជាក់ជាថ្មីពីការប្តេជ្ញាចិត្តចំពោះកម្ពុជា ក្នុងដំណើរបំពេញទស្សនកិច្ចផ្លូវរដ្ឋ |

ក្នុងខែកក្កដាមានភ្ញៀវទេសចរជិត ១ម៉ឺននាក់មកទស្សនាប្រាសាទព្រះវិហារ និងប្រាសាទកោះកេរ

  • ចុះផ្សាយថ្ងៃទី០៩ ខែសីហា ឆ្នាំ២០២៣ ម៉ោង ១១:៣៤ នាទី ដោយ Saroeun Phallika
  • 2176
  Aa |   aA

ព្រះវិហារ៖ រយៈពេលមួយខែពេញនៃខែកក្កដា រមណីយដ្ឋានប្រាសាទព្រះវិហារ និងរមណីយដ្ឋានប្រាសាទកោះកេរទទួលបានភ្ញៀវទេសចរសរុបជិត ១ម៉ឹននាក់។

យោងតាមសេចក្ដីប្រកាសព័ត៌មានស្តីពី ស្ថិតិភ្ញៀវទេសចរចូលទស្សនារមណីយដ្ឋានប្រាសាទព្រះវិហារ និង រមណីយដ្ឋានប្រាសាទកោះកេរប្រចាំខែកក្កដា ឆ្នាំ២០២៣ របស់អាជ្ញាធរជាតិព្រះវិហារ គិតចាប់ពីថ្ងៃទី០១ ដល់ថ្ងៃទី៣១ ខែកក្កដា ឆ្នាំ២០២៣នេះ រមណីយដ្ឋានប្រាសាទព្រះវិហារ បានទទួលភ្ញៀវទេសចរសរុបចំនួន ៥ ៨០១នាក់។ ក្នុងនោះមានភ្ញៀវទេសចរជាតិចំនួន ៥ ៣២៣នាក់ និងភ្ញៀវទេសចរបរទេស ចំនួន ៤៧៨នាក់។

របាយការណ៍ស្ថិតិដដែលឱ្យដឹងថា ចំពោះរមណីយដ្ឋានប្រាសាទកោះកេរ ទទួលបានភ្ញៀវទេសចរជាតិ សរុបចំនួន ៤ ១៥៨នាក់។

ជាមួយគ្នានេះ អាជ្ញាធរជាតិព្រះវិហារនៅព្រឹកថ្ងៃទី៩ ខែសីហា ឆ្នាំ២០២៣ បានដឹកនាំជួសជុលវង់ទស្សនាចម្ងាយ ៨ ២០០ម៉ែត្រ ក្នុងរមណីយដ្ឋានប្រាសាទកោះកេរដើម្បីសម្រួលដល់ការធ្វើដំណើររបស់ភ្ញៀវទេសចរចូលមើលប្រាសាទនានា និងគយគន់ទេសភាពធម្មជាតិក្នុងរមណីយដ្ឋាននេះដោយក្តីរីករាយ។

គួរឱ្យដឹងដែរថា ប្រាសាទព្រះវិហារ ស្ថិតនៅភាគខាងជើងនៃប្រទេសកម្ពុជាក្នុងភូមិសាស្ត្រ ភូមិធម្មជាតិ ឃុំស្រអែម ស្រុកជាំក្សាន្ត ខេត្តព្រះវិហារ និងត្រូវបានចុះបញ្ជីជាសម្បត្តិបេតិកភណ្ឌពិភពលោកក្នុងកិច្ចប្រជុំទី៣២ របស់គណៈកម្មាធិការបេតិកភណ្ឌពិភពលោកនៃអង្គការយូណេស្កូ នៅទីក្រុងកេបិច ប្រទេសកាណាដា នៅថ្ងៃទី៧ ខែកក្កដា ឆ្នាំ២០០៨។

រីឯប្រាសាទកោះកេរស្ថិតនៅក្នុងភូមិស្រយ៉ង់ខាងជើង ឃុំស្រយ៉ង់ ស្រុកគូលែន ខេត្តព្រះវិហារ។ ប្រាសាទកោះកេរមានចម្ងាយប្រមាណ ១២០គីឡូម៉ែត្រពីទីរួមខេត្តសៀមរាប និងប្រមាណ ៦០គីឡូម៉ែត្រពីទីរួមខេត្តព្រះវិហារ។ ប្រាសាទកោះកេរ បាបកសាងឡើងក្នុងរជ្ជកាលព្រះបាទជ័យវ័រ្មនទី៤ ក្នុងសតវត្សទី ១០ (៩២៨-៩៤២) ដើម្បីឧទ្ទិសថ្វាយព្រះឥសូរ ក្នុងព្រហ្មញ្ញសាសនា។ ប្រាសាទកោះកេរ មានរូបរាងជាពីរ៉ាមីត ដោយមាន ៧ជាន់ និងមានកម្ពស់ ៣៥ម៉ែត្រ៕


ព័ត៌មានជាច្រើនទៀតសម្រាប់អ្នក